O venres 19 de decembro a partir das 19,00 h., no Teatro Castelao da sede da entidade galega na capital arxentina, o Instituto Argentino de Cultura Gallega e o Centro Gallego de Bos Aires pechan a temporada 2014 do Teatro Castelao cun Concerto Lírico do Mestre Gabriel Renaud, quen estará acompañado por alumnado da súa escola de canto lírico para ofrecer unha actuación na que interpretarán fragmentos de operas e zarzuelas. A entrada é de balde.