A Casa de Galicia en Madrid é a sede institucional da Xunta de Galicia na capital de España dende o ano 1992 e funciona como Delegación Administrativa do Goberno Galego.

 

O seu obxectivo é o de servir de escenario para a difusión da cultura, economía e turismo de Galicia ademais de ser un punto de encontro de todos os galegos e galegas que viven en Madrid e tamén de toda a cidadanía interesada en achegarse e coñecer Galicia. Centra a súa actividade en tres grandes áreas: cultural, económico-empresarial e turística.