Xunta de Galicia

Xornada para a integración laboral da Inmigración

Contratación de estranxeiros non comunitarios non residentes en Galicia (residencia temporal e de traballo por conta allea).

A Consellería de Cultura e Educación promoverá o cine galego no festival ‘Marché du film’ de Cannes

O secretario xeral de Cultura, Anxo Lorenzo, estará presente na cidade francesa para apoiar o traballo desenvolvido polo audiovisual galego.
A Consellería de Cultura, Educación e Ordenación Universitaria apoiará a promoción do audiovisual galego no Marché du Film, o mercado cinematográfico máis importante do mundo, que terá lugar no marco da 65 edición do Festival Internacional de Cine de Cannes (Francia), do 16 ao 25 de maio.

A programación da Xunta de Galicia para as Letras Galegas achégalles a figura de Paz-Andrade a milleiros de cidadáns e cidadás de Galicia e do Exterior

O conselleiro de Cultura e Educación presentou o pasado sábado as múltiples actividades coas que o Goberno galego contribúe á difusión da obra e da biografía do autor, así como á posta en valor da lingua e da literatura galegas.
O día 17 de maio, a Xunta sumarase ás celebracións institucionais cun acto no CIFP Valentín Paz-Andrade de Vigo ás 13:30 horas.
O conselleiro de Cultura, Educación e Ordenación Universitaria, Xesús Vázquez Abad, presentou este sábado na Cidade da Cultura de Galicia o programa de actividades promovidas pola Xunta de Galicia para dar a coñecer a figura de Valentín Paz-Andrade, co gallo da dedicación do Día das Letras Galegas a este poeta, político e empresario.

Nace o proxecto 'Igualdadenarede' en Facebook, Tuenti e Twitter

Onte foi presentado pola secretaria xeral da Igualdade nunha rolda de prensa celebrada en Santiago.
O obxectivo da comunicación corporativa a través destas plataformas é invitar á corresponsabilidade de toda a sociedade e a vivir a igualdade en primeira persoa.
Susana López Abella presentou na mañá de onte en rolda de prensa o proxecto de comunicación da Secretaría Xeral da Igualdade en redes sociais, que a partires de hoxe está presente en facebook, tuenti e twitter.

Xesús Vázquez Abad ensalza a figura de Valentín Paz-Andrade nun encontro coa Asociación de Empresarios Galegos de Cataluña

O conselleiro de Cultura, Educación e Ordenación Universitaria destacou a importancia da faceta empresarial do autor ao que Galicia lle dedica o Día das Letras Galegas.
Alfonso Paz-Andrade, fillo de Valentín Paz-Andrade, acompañou a Vázquez Abad neste acto que reuniu en Barcelona medio cento de empresarias e empresarios galegos e cataláns.
O conselleiro de Cultura, Educación e Ordenación Universitaria, Xesús Vázquez Abad, participou onte nun encontro coa Asociación de Empresarios Galegos en Cataluña (AEGA-CAT). Na xuntanza, Xesús Vázquez Abad estivo acompañado por Alfonso Paz-Andrade, fillo do autor ao que a Real Academia Galega -reunida en plenario o 4 de xuño de 2012- acordou dedicarlle o Día das Letras Galegas do presente ano.

A cineasta Margarita Ledo presenta o documental 'Notas para unha película' á Secretaria Xeral da Igualdade

Nel interveñen mulleres emigrantes de cinco xeracións e será presentado en Bos Aires o vindeiro 12 de maio.
A secretaria xeral da Igualdade, Susana López Abella, mantivo onte unha xuntanza con Margarita Ledo, investigadora da USC e cineasta, na que lle presentou o seu documental Notas para unha película, no que interveñen mulleres emigrantes de cinco xeracións.

As e os emigrantes galegos nos Estados Unidos de América poderán beneficiarse do acceso á Tarxeta Sanitaria Galicia Saúde Exterior

Esta tarxeta non supón ningunha variación nos dereitos das persoas usuarias, pero facilita a relación entre a Xunta e os seus administrados e administradas na diáspora .
O Goberno galego amplía así a atención que xa ofrece ás persoas emigrantes en México, Arxentina, Venezuela, Uruguai e Brasil.
O groso da colonia galega nos EE.UU. reside en Newark e Nova York, cidades que visita o secretario xeral da Emigración.
O secretario xeral da Emigración, Santiago Camba, en representación da Xunta de Galicia, asina tres convenios con cadansúa entidade das cidades norteamericanas de Newark (dous) e Nova York, para colaboraren na tramitación previa para a obtención da tarxeta sanitaria “Galicia Saúde Exterior”.

O Centro de Información á Muller de Vilalba (Lugo) estrea un servizo de teletradución a 51 idiomas

Ofrecido sen custo pola Secretaría Xeral da Igualdade, mellora a atención ás mulleres e ás vítimas de violencia de xénero estranxeiras, facilitando unha comunicación verbal máis eficaz.
En total, sete CIMs da provincia xa dispoñen deste sistema, amais de Vilalba, os de Burela, Viveiro, Ribadeo, Monforte, Mondoñedo e Palas de Rei.
O Centro de Información á Muller de Vilalba (Lugo) incorpora desde onte un servizo de teledradución a 51 idiomas para mellorar a atención ás mulleres e vítimas de violencia de xénero inmigrantes, que ofrece sen custo a Secretaría Xeral da Igualdade, en virtude do convenio asinado na mañá d eonte pola titular de Igualdade da Xunta, Susana López Abella, e o alcalde, Gerardo Criado.