Novidades Tributarias: obrigas tributarias para as persoas con bens patrimoniais no exterior
Novidades tributarias introducidas pola Lei 7/2012 do 29 de outubro (BOE 30/10/2012) de modificación da normativa tributaria e orzamentaria e da adecuación da normativa financeira para a intensificación das actuacións na prevención e loita contra o fraude.
NOVIDADES TRIBUTARIAS INTRODUCIDAS POLA LEI 7/2012 DO 29 DE OUTUBRO (BOE 30/10/2012) DE MODIFICACIÓN DA NORMATIVA TRIBUTARIA E ORZAMENTARIA E DA ADECUACIÓN DA NORMATIVA FINANCEIRA PARA A INTENSIFICACIÓN DAS ACTUACIÓNS NA PREVENCIÓN E LOITA CONTRA O FRAUDE.
A lei 7/2012 do 29 de outubro, establece que as e os obrigados tributarios deberán informar á Administración Tributaria sobre os seguintes bens e dereitos situados no estranxeiro:
- Contas en entidades financeiras situadas no estranxeiro.
- Valores, dereitos, seguros e rendas depositados, xestionados ou obtidos no estranxeiro.
- Bens inmobles e dereitos sobre bens inmobles situados no estranxeiro.
Importe:
As persoas físicas teñen que informar sobre contas en entidades financeiras, inmobles e accións que teñan no estranxeiro sempre e cando o valor de cada tipo de ben supere os 50.000 €.
Modelo:
Para facer esta declaración debe empregarse o modelo 720 de declaración informativa sobre bens e dereitos situados no estranxeiro. Este modelo aprobase mediante a Orde HAP/72/2013, do 30 de xaneiro, e publicase no Boletín Oficial do Estado do 31/01/2013.
Esta obriga non supón pagar mais impostos posto que se trata dunha declaración informativa, non obstante a non información sobre eses bens supón a comisión dunha infracción tributaria moi grave que será sancionada con multa.
Obrigados e obrigadas a informar:
Están obrigadas e obrigados a presentar o modelo 720 “declaración informativa de bens e dereitos situados no estranxeiro”:
- As persoas físicas e xurídicas residentes no territorio español.
- Os establecementos permanentes en dito territorio de persoas ou entidades non residentes.
- Entidades nas que se atopen en determinados supostos aos que se refire o artigo 35.4 da Lei 58/2003, do 17 de decembro, Xeral Tributaria.
Prazo:
- Para o exercicio 2012: desde o 1 de febreiro ao 30 de abril de 2013
- Con carácter xeral: dende o 1 de xaneiro ao 31 de marzo do ano seguinte a aquel ao que se refire a información que se debe facilitar.
Modo de declarar: a través de internet
Pode obter máis información na Axencia Estatal da Administración Tributaria de Galicia:
- Declaracións Informativas Axencia Tributaria
- Preguntas Frecuentes Modelo 720
- Orde HAP/72/2013, de 30 de xaneiro, pola que se aproba o modelo 720, declaración informativa sobre bens e dereitos situados no estranxeiro
- Información Tributaria: 901 33 55 33
- Centro de Atención Telefónica: 901 200 345
- Servizos automáticos: 901 12 12 24
Documentación para descargar:
- Modelo 720 Declaración bens no exterior (picar aquí para descargar)
- Lei 7/2012 do 29 de outubro (BOE 30/10/2012) de modificación da normativa tributaria e orzamentaria e da adecuación da normativa financeira para a intensificación das actuacións na prevención e loita contra o fraude (picar aquí para descargar)
Novas relacionadas