O xoves 10 de xullo inaugúrase, no Museu das Migrações e das Comunidades-Casa Municipal de Cultura de Fafe, a mostra fotográfica Os Adeuses do fotógrafo coruñés Alberto Martí, promovida pola Xunta e o Consello da Cultura Galega, e que poderá visitarse ata o 31 de agosto.

A exposición componse de 51 imaxes en branco e negro que retratan a emigración galega cara ao continente americano desde os portos da Coruña e Vigo durante o período que vai desde o ano 1957 ata o 1963.